24-26.06.2016 – Pogradec
Trajnim i ILO-s “Fuqizimi i të rinjve përmes njohurive për të drejtat e tyre në punë”
KSSH ishte pjesëmarrëse në lançimin Trajnimit të Trajnerëve “Rinia e Mençur në Punë: Një Udhëzues për të Drejtat e të Rinjve në Punë” në Shqipëri, i organizuar përmes Instrumentit të Ndihmës Teknike BE-ILO në mbështetje të #GarancisëRinore në Ballkanin Perëndimor, e përfaqësuar nga:
1- Dirida Nikollaj, Koordinatore e Rrjetit të Rinisë së KSSH-së.
2- Ueda Mici, anëtare e Presidencës Ekzekutive të KSSH-së.
3- Anisa Qose, Sekretare e Përgjithshme e Federatës së Sindikatave të Punonjësve të Bujqësisë, Ushqimit, Pylltarisë, Peshkimit dhe Ambjentit të Shqipërisë, anëtare e KSSH-së.
4- Anxhela Laho, Rrjeti i Rinisë së KSSH-së, Federata e Sindikatave të Punonjësve të Arsimi dhe Shkencës së Shqipërisë.
Mbështetja e të rinjve në rrugën e tyre drejt punës së denjë shkon përtej ndihmës për të pasur akses në mundësi punësimi. Do të thotë gjithashtu t’i pajisësh ata me njohuritë dhe vetëbesimin për të kuptuar të drejtat e tyre, për të lundruar në tregun e punës dhe për të marrë vendime të informuara për të ardhmen e tyre.
Trajnimi kishte fokus forcimin e kapaciteteve për të promovuar të drejtat e të rinjve në punë dhe për të arritur tek të rinjtë, veçanërisht ata që përballen me cenueshmëri ose përjashtim.
Duke rritur ndërgjegjësimin për të drejtat e punës, kushtet e drejta të punës dhe mbrojtjen sociale, kjo iniciativë kontribuon në qëllimin e Garancisë Rinore për të mbështetur integrimin e suksesshëm të të rinjve në tregun e punës dhe për të zvogëluar rrezikun e punësimit të pasigurt dhe informal.
