Mbledhje e Këshillit Sindikal të Pogradecit.

Sot u mblodh Këshilli Sindikal Pogradec, ku ndër pikat kryesore të diskutimit ishin:

–Zbatimi i kontratave aktuale kolektive.

-Kërkesa sipas sektorëve të zbatimit të Kodit të Punës.

–Mbështetja e çdo punëmarrësi për ndërhyrjen në mosmarrëveshjet punëdhënës-punëmarrës me ndërhyrjen e ndërmjetësim-pajtimit.

–Kërkesa për pagën e 13-të në sektorët sindikalë që nuk ka pagë të 13 dhe shpërblime për fundvitin.

–Ndërhyrja e Bashkisë Pogradec në zgjidhjen e trafikut brenda qytetit me rreth rrotullime apo mundësi hapjeje kapilare rruge tek sheshi Europa dhe në hyrje të qytetit problematike në qarkullim.

–Pengesa e lëvizjeve të qytetarëve në trotuarë zona e anxhesisë, problem nga bllokimet me arka të tregëtarëve.

–Propozimi për treg të ri në ndërtesat e vjetra tashme të kthyera në kosh plehrash dhe tregu nuk u realizua por tregtarët detyrohen të rrinë në kushte jashtë standardeve dhe në trotuare.

–Ndërhyrja në sektorin e fasonerive ku tashmë praktika e punës 6 ditë në javë nga 9 – 10 orë pune në ditë pa realizuar as pushimet e festave zyrtare apo pushimet vjetore dhe kërcënimi i punëdhënësve për të mos pasur Sindikatë në këto sektorë të mbështetur edhe nga Inspektorati i punës që e ka detyrim ligjor kontrollin e këtyre subjekteve dhe krijimin e organizimeve kolektive ku në dijeninë tonë në asnjë fasoneri apo ndërmarrje nuk ekziston.

Këto dhe probleme të tjera u ngritën nga drejtuesit e federatave sindikale të rrethit Pogradec.