< 20 Vjetori i Konfederatës së Sindikatave të Shqipërisë

Takim ndërmjet përfaqësuesve të kompanisë së konsultimit LAWRENCE WEBB, Kompani Konsulente për projektin e Gazësjellësit Trans-Adriatik TAP për Shqipërinë dhe përfaqësuesve të KSSH-së

---

Tiranë, më 18.01.2012. Në selinë qendrore të Konfederatatës së Sindikatave të Shqipërsië(KSSH) u zhvillua një takim ndërmjet përfaqësuesve të kompanisë së konsultimit LAWRENCE WEBB, Kompani Konsulente  për projektin e Gazësjellësit Trans-Adriatik TAP për Shqipërinë dhe përfaqësuesve të KSSH-së.

Në takim morën pjesë për KSSH-në, Presidenti i KSSH-së z. Kol Nikollaj, përgjegjësi për çështet ligjore pranë KSSH z. Edison Hoxha. Ndërsa për kompaninë konsulente të projektit TAP morën pjesë përfaqësuesit e saj  z. Paul Lawrence dhe z. Bledi Çela.

Projekti TAP pritet të jetë inevstimi më madh i huaj në Shqipëri që do të sjellë gazin nga Azerbajxhani për në Europën perëndimore përmes Shqipërisë dhe detit Adriatik.

Takimi u përqendrua në impaktin social që ky projekt mund të sjellë gjatë zbatimit të tij.

Konkretisht u bisedua mbi:

• Mundësinë e garantimit maksimal të të drejtave dhe detyrimeve të punëmarrësve dhe kategorive të tjera që preken,  sidomos të drejtat e kategorive të veçanta brenda tyre, siç  janë grate, punonjësit e rinj, minoritetet, etj.
• Kontratat afatshkurtra dhe fleksibël, mundësitë që jep Legjislacioni Shqiptar dhe problemet që hasin sindikatat në zbatimin e tyre.
• Gjithashtu në këtë takim u diskutuan edhe mundësitë e garantimit maksimal të  shëndetit dhe të sigurisë në punë për punëmarrësin që do te jenë pjesë e këtij investimi.
• Si mund të garantohen dhe realizohen të drejtat dhe detyrimet e punëmarrësve jo vetëm nga kompania TAP, por edhe nga nënkontraktorët e saj gjatë zbatimit të projektit.
• U diskuktua mbi garancinë që jep Legjislacioni Shqiptar mbi rregullimin e marrëdhënieve të punës dhe kapacitetet e institucioneve ligjzbatuese shqiptare në këtë drejtim.
• Në takim u theksua se standartet që kërkohen të arrihen në këtë projekt janë jo vetëm ato më të larta në rang legjislacioni shqiptar, por edhe në respekt të standarteve Europiane.
• KSSH në kuadër te partneritetit dhe bashkëpunimit të vazhdueshëm, sugjeroi të shikohej mundësia e diskutimit të një memorandumi bashkpunimi midis KSSH dhe TAP-it, me qëllim të diskutimit të vazhdueshëm për problematika që mund të lindin në vazhdimësi gjatë zbatimit të këtij projekti dhe që hyjnë në fushën e aktivitetit të sindikatave.

Takimi u zhvillua në kuadër të një mirëkuptimi të ndërsjelltë lidhur me  problematikat e trajtuara.

---